පළමු පියවර විදියට හරි හතරැස් කොළයක් අරගෙන විකර්ණ යා කරමින් දෙකට නමන්න.
ඊළඟට රූපයේ පේන විදියට කොළය දිග ඇරලා පාට පැත්ත පිටට පේන විදියට තියලා තියාගෙන දෙපසින් ඇතුලට නවන්න ඕන. මෙතැනදි කලින් අපි මැද ලකුණු කරගන්න හේතුව ඔයාලට පැහැදිලි ඇති.
ඉන්පස්සේ අනිත් පැත්ත හරවලා උඩ කොටස ඉදිරියට නවන්න ඕන.
එම නැමූ කොටස නැවතත් ඉහලට ඔසවන්න.
කලින් නවපු කොටස වර්ණවත් පැත්තට නවාගන්න.
දැන් කතුරක් අරන් රූපයේ පෙනෙන ආකාරයට පොඩි කට්ටා දෙකක් කපාගන්න ඕන.
එසේ ඔසවා රූපයේ විදියට මැදින් පොඩි ප්‍රමාණයක් වනසේ කැපුමක් යොදාගන්න.
දැන් කරන්න තියෙන්නේ කලින් කට්ටා කපාගත් ස්ථානය කැපුම තුලට යවන එක. ඒ කට්ට දෙක කැපුම තුල හොදින් හිරවෙන්න තියන්න ඕන.
දැන් ඔයාලට කරන්න තියෙන්නේ අපි හදාගෙන යන නිර්මාණයේ දෙපසින් කපන එක. රූපයේ පේන විදියට කලින් යොදපු මැදින් කල කැපුමට මදක් පහලට වෙනකන් මේ කැපුම දෙපසින් සිදුකරන්න ඕන.
ඔයාලා දෙපසින් කපාගත් පසුව ඔයාලට පුලුවන් රූපයේ විදියට දෙපැත්තේ තියෙන එක කොටසක් ඉදිරියට නවන්න.
දැන් ඔයාලට කරන්න තියෙන්නේ දෙවන පියවරේදී නවාගත් ප්‍රමාණයෙන් භාගයක් වෙන විදියට ඉහලින් කොටසක් ඉදිරියට නවාගන්න.
කලින් පියවරේදී කොටසක් ඉදිරියට නැමුවහම උඩ ඉතිරිවෙන ත්‍රිකෝණාකාර කොටසින් උඩ කොටස නවන්න ඕන.
දෙපැත්තෙන් ඉතුරු වෙලා තියෙන කොටසින් පහල ඇති උල් කොටස් දෙක මදක් ඇතුලට නවාගන්න.
දැන් ඒ කොටසත් පෙර නවපු කොටස මතට වැටෙන විදියට නවාගන්න.
අන්තිමට පහල කොටස පසුපසට නවාගන්න. ඒ කොටස තමයි හිටවන්න ආධාරක විදියට ගන්නේ.
අවසාන නිර්මාණය පහතින් පෙනෙන ආකාරයට තියේවි.
